Thursday, April 21, 2011

“ဗထူး” ထားဝယ်ဒေသ အထူးပြုစာစောင် - အမှတ် (၈)

Bahtoo Issue 8

Monday, February 28, 2011

Friday, January 28, 2011

နာမည်ကျော်နေတဲ့ ထားဝယ်ရဲ့ပစ္စက္ခ


ရှင်ကိုးရှင်ဘုရား၊ မောင်းမကန် ကမ်းခြေနဲ့ ကျောင်းသင်ခန်းစာထဲက ဟိန္ဒား၊ ကန်ပေါက်ဆိုတဲ့ နာမည်ကျော် သတ္တုတွင်းတွေနဲ့ ထားဝယ်က နာမည်ရပြီးသားပါ။

ခုတော့ နိုင်ငံခြားစီးပွားရေး လုပ်ငန်းရှင်တွေကြားမှာလဲ ထားဝယ်၊ ပြည်တွင်း စီးပွားရေးသမားများကြားထဲ မှာလည်း ထားဝယ်၊ သံရုံးတွေကြားမှာ လည်း ထားဝယ်နဲ့ ထားဝယ်သံ ညံနေအောင် နာမည်ထပ်ကျော်လာသည်။

ရွှေထွက်၍မဟုတ်ပါ။ အရှေ့နဲ့ အနောက်၊ အာရှနဲ့ဥရောပကို အချိန်တိုအတွင်း ကူးချည်သန်းချည် လုပ်နိုင်တဲ့နိုင်ငံရဲ့ မဟာဗျူဟာမြောက် စီမံကိန်းဟုခေါ်ဆိုရမည့် ထားဝယ်ရေနက်ဆိပ်ကမ်းနှင့် အထူးစီးပွားရေးဇုန် စီမံကိန်းကြောင့် ဖြစ်သည်။

ယခုဆိပ်ကမ်းသည် အချက်အချာ မည်မျှကျသည် ဆိုခြင်းကို မြန်မာ လူငယ်တွေရဲ့အိပ်မက်ဖြစ်ခဲ့သော ဖွံ့ဖြိုးပါသည်၊ အားကျရပါသည်ဆိုသော အရှေ့တောင်အာရှ၏ ဆိပ်ကမ်းနိုင်ငံ၊ ဆိပ်ကမ်းတစ်ခု၏ အကျိုးအမြတ်ကို ကကြီးမှ အ အထိ နောကြေအောင်သိသည့် စင်ကာပူနိုင်ငံပင် တွန့်သွားရသည်အထိ စီမံကိန်းမှာ အချက်အချာကျသည်၊ ကြီးမားပါသည်။

အမေရိကန်ဒေါ်လာ ရှစ်ဘီလျံ ကုန်ကျပြီး ထိုင်းနိုင်ငံ ကချနာဘူရီနှင့် ထားဝယ်ဆက်သွယ်မည့် ရှစ်လမ်းသွား လမ်းမကြီးအပြင် ရထားလမ်းပါ တွဲဖက်ပါဝင်သည့် ထားဝယ်ရေနက် ဆိပ်ကမ်းနှင့် အထူးစီးပွားရေးဇုန် စီမံကိန်း မှာပမာဏကြီးသလို အကျိုးအမြတ်လည်းကြီးမည်ဟု ဆိုရမည်။

ထို့အတွက် တာဝန်ယူခွင့်ဆိုသည့် အခွင့်အရေးကိုလည်း ပြည်တွင်းပြည်ပ ကုမ္ပဏီများ အပြိုင်အဆိုင်များကြားမှ ရယူပြီးဖြစ်သည်။ ယူပြီးလျှင် ပြန်ပေးရသည်။ ယူသည်နှင့်တန်အောင် ပေးရသည်။




ထားဝယ်ရဲ့ပစ္စက္ခ

ကျပ် ၁၅ သိန်းနဲ့ အရင်က၀ယ်သူ မရှိတဲ့မြေကွက် အခုတော့ ကျပ်သိန်း ၂၀၀ နဲ့ဝယ်ကြရောင်းကြတယ်။ ကျပ်ငါးသိန်းနဲ့ ၀ယ်သူမရှိတဲ့မြေကွက် က အခုတော့ ကျပ် သိန်း ၅၀ နဲ့ဝယ်လာပြန်တယ်။

ထားဝယ် မြို့လယ်ခေါင်ကတော့ ကျပ်သိန်း ၃၅၀၀ ကနေ ကျပ်သိန်းပေါင်းသောင်းချီ တန်ကုန်ပြီ။ ဒါတွေက စီမံကိန်းသစ် သတင်းစကားများကြောင့် ဖြစ်သည်။

တနင်္သာရီတိုင်း ဒေသကြီးလွှတ်တော်၊ အစိုးရ အိမ်ယာသစ်စီမံကိန်းကလည်း ထားဝယ်မြို့တွင် လုပ်ငန်း အခြေစိုက်မှဖြစ်မည်ဟု လုပ်ငန်းရှင်များ စိတ်တွင် မှတ်ထင်စေသည်။

ထားဝယ် ရေနက်ဆိပ်ကမ်းနဲ့ အထူးစီးပွားရေးဇုန် နေရာတစ်ဝိုက်ကို နိုင်ငံခြားသားများ ခြေချင်းလိမ်အောင် လေ့လာနေပြီ။ ပြည်တွင်းလုပ်ငန်းရှင် တွေကလည်း အ၀ယ်တော်ဆိုသူတစ်မျိုး၊ ကင်းထောက်ဆိုသူ တစ်ဖုံဖြင့် လာရောက်ကြသည်။ သံရုံးတစ်ချို့ကလည်း ထားဝယ်ရဲ့ပကတိကို လာကြည့်ကြသည်။

မြေ၀ယ်ထားပြီး ပြန်ရောင်းမယ်၊ ဘဏ်ဖွင့်မယ်၊ စူပါမားကတ်ဖွင့်မယ်၊ ပုဂ္ဂလိကဆေးရုံဖွင့်မယ်၊ ဟိုတယ်ဆောက်မယ်၊ ကုမ္ပဏီရုံးခွဲတွေဖွင့်မယ်ဆိုသည့် အတွေးများဖြင့် လာရောက်သူက ပြည်တွင်းလုပ်ငန်းရှင်များ ဖြစ်သည်။

ဝန်ဆောင်မှုကုမ္ပဏီဖွင့်ရင် ကောင်းမလား၊ အထူးစီးပွားရေးဇုန်မှာ မြှုပ်နှံရမလား၊ စီမံကိန်းတည်ဆောက်မှုထဲမှာ ဘယ်အပိုင်းကို တစ်ဆင့်ခံ ကန်ထရိုက် ယူရင်ကောင်းမလဲ၊ ပြည်တွင်းလုပ်ငန်းရှင်တစ်ဦး ကြားခံနဲ့ ဘယ်နေရာ တွေမှာ ရင်းထားရင် ကောင်းမလဲ ဆိုသည့်စိတ်ကူးများဖြင့် လာရောက်သည်က နိုင်ငံခြားလုပ်ငန်းရှင်များ ဖြစ်သည်။

ဗျူဟာမြောက် စီမံကိန်း အခြေအနေဘယ်လိုရှိပါတယ် ဆိုပြီး မှတ်တမ်းထားဖို့ စီစဉ်လာရောက်သူ တွေထဲတွင် သံရုံးတာဝန်ရှိသူတွေလည်း ပါသည်။

ဗျူဟာမြောက် စီမံကိန်းကို Italian Thai Development Public မှ ၁၀နှစ် စီမံကိန်းဖြင့် တာဝန်ယူခွင့်ရပြီး စတင်တည်ဆောက်နေပြီ ဖြစ်သည်။ ပြည်တွင်း ကုမ္ပဏီအနေဖြင့် Max Myanmar ကုမ္ပဏီမှ ပါဝင်ကာတည်ဆောက် ခွင့် ရထားသည်။

"ကျွန်တော်တို့ လွန်ခဲ့တဲ့နှစ်နှစ်က အရှုံးပေါ်ခဲ့ပေမယ့် ဒီနှစ်တော့ ထား ၀ယ်စီမံကိန်းတွေကြောင့်အကျိုးအမြတ် ကြီးမှာပါ"ဟု ITD ဥက္ကဋ္ဌ ဖြစ်သူ Mr. Premchai Karnasuta ၏ ပြောခဲ့သည့်စကားကလည်း အဓိပ္ပာယ်မဲ့မဟုတ် ခဲ့ပေ။ ထားဝယ် ရေနက်ဆိပ်ကမ်း တည်ဆောက်ခွင့်အား တရားဝင်လက်မှတ် ရေးထိုးပြီးသည်နှင့် ITD ၏ ရှယ်ယာဈေးမှာ ချက်ချင်းမြင့်တက်ပြီး အကျိုးချက်ချင်း ခံစားခဲ့ရသည်က လက်တွေ့ပင်ဖြစ်သည်။

"ကျွန်တော်တို့ လွန်ခဲ့တဲ့ ၁၂ နှစ် ကတည်းက ဒီစီမံကိန်းကိုတာဝန်ယူ တည်ဆောက်ခွင့်ရဖို့ ချဉ်းကပ်နေခဲ့တာပါ"ဟု ITD ဥက္ကဋ္ဌဖြစ်သူ Mr. Premchai Karnasuta ၏ တရားဝင် ပြောကြားထားကြောင်းလည်း သိရသည်။

တန်အောင် ပြန်ပေးမှာလား

နိုင်ငံပိုင် ရေမြေသယံဇာတများဖြင့် မက်မောလောက်သည့် အကျိုးအမြတ်များအတွက် အခွင့်အရေးရယူ သွားကြပြီးဖြစ်ရာ နိုင်ငံသားများကလည်း အားထားရသော အခွင့်အလမ်းများ ပြန်ရရန် မျှော်လင့်ကြပြီဖြစ်သည်။ '၁၀ နှစ်လောက် အလုပ်ပေါပြီပေါ့' 'နိုင်ငံခြားလို ထိုက်တန်တဲ့ လုပ်အားခရပြီပေါ့ကွာ'လို့ အလွန်သေးသည့် အခွင့်အလမ်းကိုပင် ဒေသခံများနိုင်ငံသားများက စိတ်အားထက်သန်စွာ မျှော်လင့်ကြခြင်း ဖြစ်သည်။

လက်ရှိတွင် တည်ဆောက်မှုပိုင်း စတင်နေပြီဖြစ်သလို မြေသယ်ယာဉ်မောင်းမှစကာ ဥပဒေပညာရှင်နှင့် အတွင်းရေးမှူးရာထူးများ အထိအလုပ်ခေါ်ယူနေပြီဖြစ်ရာ 'ငါတို့ ထင်တဲ့ အတိုင်းပဲ'ဟုဆိုကာ သွားရောက်ကြသူများ ရှိနေသည်။

သို့သော် မထင်မှတ်ထားသည် က မြန်မာနိုင်ငံသားလုပ်သားနှင့် ထိုင်းနိုင်ငံသား လုပ်သားတို့၏ လုပ်ခလစာပင် ဖြစ်သည်။ ထိုင်းနိုင်ငံသား အခြေခံလုပ်သားတစ်ဦးကို တစ်လလျှင် ဘတ် ၃၀၀၀၀ လုပ်အားခ သတ်မှတ်ခေါ်ယူပြီး မြန်မာနိုင်ငံသား လုပ်သားဆိုပါက တစ်ရက်လျှင် ကျပ် ၃၅၀၀ ဖြင့် သတ်မှတ်ခေါ်ယူခြင်း ဖြစ်သည်။

ထိုင်းနိုင်ငံသား အင်ဂျင်နီယာ တစ်ဦးသည် တစ်လလျှင် ဘတ် ၁၂၀၀၀၀ နှင့် အထက်ရရှိပြီး လက်ရှိတွင် မြန်မာအင်ဂျင်နီယာများ ခေါ်ယူခြင်း မရှိသေးပေ။

ယခုမှ အစပင်ရှိသေးသည်။ ယခုကပင်စ၍ ထိုက်တန်သည့် အလုပ်အကိုင် အခွင့်အလမ်း လမ်းကြောင်း ရှိထားပါမှသာလျှင် နိုင်ငံသားများ၏ ၁၀ နှစ် အလုပ်အကိုင်ပေါများမည့် အိပ်မက်ရှင်သန်မည်ဖြစ်ရာ အစကောင်းဖို့ လိုနေသည်ဟုဆိုရမည်။

နိုင်ငံ့အတွက် ရေရှည်ကောင်းမည်။ နိုင်ငံသားများအတွက် ရေရှည် ကောင်းမည်။ ထိုသို့ကောင်းစားရန် နိုင်ငံပိုင် ရေမြေသယံဇာတများကို ရင်းနှီးရသည်။ ရင်းနှီးထားမှုနှင့် ထိုက်တန်သည့် အကျိုးအမြတ်ရှိဖို့ လိုသည်။ ထိုက်တန်သည့် အခွင့်အရေးပြန်ရဖို့လိုသည်။


“ဗထူး” ထားဝယ်ဒေသ အထူးပြုစာစောင် - အမှတ် (၆)

Bahtoo Issue 6

တောင်းပန်ချက် - ကြိုတင် ခွင့်ပြုချက်တောင်းခံမှု မပြုဘဲ ဖော်ပြမိခြင်းအပေါ် “ဗထူး” စာစောင်အဖွဲ့သားများ နားလည်ပေးပါရန် မေတ္တာရပ်ခံပါတယ်။



Thursday, January 20, 2011

ဆာမူရိုင်းနိုင်ငံတော်

လွတ်လပ်တဲ့
ဆာမူရိုင်းနိုင်ငံတော်ကို
ဆာမူရိုင်းတွေ စုပြီး ထူထောင်လိုက်ကြတယ်။

ဆာမူရိုင်းနိုင်ငံတော်အလံက အနက်ရောင်
ဆာမူရိုင်းနိုင်ငံရဲ့ စီးပွားရေးက ဓားနဲ့မြားထုတ်လုပ်ရေး
ဆာမူရိုင်းတွေပဲ လယ်စိုက်ပြီး
ဆာမူရိုင်းတွေပဲ ရိပ်သိမ်းကြ
မိန်းမဆိုတာ
ဆာမူရိုင်းနိုင်ငံတော်မှာ အဖျော်ဖြေခံပစ္စည်း
အလှပြင်တဲ့ ပညာကလွဲရင် ဘာပညာမှမသင်ကြရ
ဆာမူရိုင်းနိုင်ငံတော်မှာ
ချစ်ခြင်းမေတ္တာမရှိ
လိင်စိတ်နဲ့
သတ်ချင်ဖြတ်ချင်စိတ်သာ ရှိရဲ့။

ချယ်ရီတွေပွင့်ချိန်ဆို
ချယ်ရီပန်းပင်တွေအောက်
ဆာမူရိုင်းတွေရောက်လာပြီး သစ္စာရေသောက်ကြတယ်။

ဆာမူရိုင်းနိုင်ငံတော်မှာ
ဆာမူရိုင်းရဲ့သားနဲ့
ဆာမူရိုင်းရဲ့သမီးဟာ လက်ထပ်ထိမ်းမြားခွင့်ရ
ခေတ်အဆက်ဆက်
ဆာမူရိုင်းလေးတွေပဲ မွေးဖွားလာကြ။

ဆာမူရိုင်းနိုင်ငံတော်မှာ
ကဗျာမရေး
ပန်းချီမဆွဲ
ဂစ်တာမတီး
ပြဇာတ်မက
ဆံပင်တိုလည်း မညှပ်ရ
မုတ်ဆိတ်လည်း မရိပ်ရ
တစ်ယောက်ကိုတစ်ယောက် သတ်ချင်သတ်
မသတ်ချင်ရင် ကိုယ့်အသက်ကိုယ်ပြန်သတ်။

ဆာမူရိုင်းနိုင်ငံတော်မှာ
ထမင်းစားချိန်က လွဲရင်
အရွယ်ရောက်ပြီးသူတိုင်း
ကောက်ရိုးအရုပ်ကို ဓားနဲ့ခုတ်နေကြရတယ်။

ဓားခုတ်ချက်တိုင်း
ဓားခုတ်ချက်တိုင်း
“အရှင့်အတွက်”
“အရှင့်အတွက်” လို့
အသံနက်ကြီးတွေနဲ့ ကြွေးကြော်ကြရတယ်။

ဒါပေမဲ့
ဆာမူရိုင်းနိုင်ငံတော်မှာ “အရှင်သခင်” မရှိ
ဆာမူရိုင်းနိုင်ငံသားတိုင်း ကျွန်တွေချည်းပဲ။

မနက် အရုဏ်တက်ပြီဆိုတာနဲ့
ကောင်းကင်ပလ္လင်ပေါ်က
ထာဝရဘ၀ရှင် နေမင်းကြီးကို
ဆာမူရိုင်းအားလုံး ရှိခိုးနေကြတော့ရဲ့။

ပိတောက်ပွင့်သစ်၊ အမှတ်(၃၂)၊ ဇူလိုင်လ မှ -

မှတ်ချက် - groupmail ထဲရောက်လာလို့ ပြန်လည်မျှဝေသည်။ ကဗျာရေးသူနာမည် မပါရှိပါ။ စာဖတ်သူသိပါက ကွန်မန့်တွင် ကျေးဇူးပြုပြီး ရေးခဲ့ပေးပါ။

Monday, June 14, 2010

ဝေဝေကြွေကြွေ လှတဲ့ တို့တိုင်းပြည်ကလေး....

"ငါ့တိုင်းပြည်လေးကို
လွမ်းတိုင်း ပန်းတစ်ပွင့်ပွင့် မယ်ဆိုရင်တောင်
ငါ့အတွက် ကမ္ဘာမြေပုံဟာ
ပန်းတစ်ခင်း ဖြစ်သွားမှာ သေချာတယ်။

အလွမ်းမိုး သည်းတာကြုံခဲ့ရပြီ။
အလွမ်းနွေ ထွေးတာကြုံခဲ့ရပြီ။
အလွမ်းဆောင်း အေးတာကြုံခဲ့ရပြီ။

အလွမ်းတွေကို မညာချင်တော့ဘူး။
ငါ့တိုင်းပြည်လေးဟာ ငါ့ရဲ့ ကံ
ငါ့တိုင်းပြည်လေးဟာ ငါ့ရဲ့ စိတ်
ငါ့တိုင်းပြည်လေးဟာ ငါ့ရဲ့ ဥတု
ငါ့တိုင်းပြည်လေးဟာ ငါ့ရဲ့ အဟာရ


ငါ့တိုင်းပြည်လေးကြောင့် ငါဟာ သောမနဿ ဝေဒနာ ကိုခံစားခဲ့ရတယ်။
ငါ့တိုင်းပြည်လေးကြောင့် ငါဟာ ဒေါမနဿ ဝေဒနာ ကိုခံစားခဲ့ရတယ်။

အဲဒီမှာ မဂ္ဂင်လမ်းစဉ်တွေ ရှိတယ်။
အဲဒီမှာ အပါယ်လမ်းစဉ်တွေ ရှိတယ်။

မွေးကတည်းကပါလာတဲ့ ဒိဋ္ဌိပိုးတွေရှိတယ်။
အရွယ်ရောက်ရင် ကူးတတ်တဲ့ ဝါဒ ပိုးတွေရှိတယ်။

ရိုးသားကြိုးစားပြီး တိုင်းပြည်ထောင်ခဲ့သူ တစ်ဦးရှိခဲ့တယ်။
မိုက်ရိုင်းထွားကြိုင်းပြီး တိုင်းပြည်ဖျက်ခဲ့သူ တစ်ဦးရှိခဲ့တယ်။

လူတွေ ချစ်လွန်းလို့ အိမ်အပြင် ထွက်ခွင့် မရတဲ့သူတစ်ဦး လည်းရှိနေတယ်။
လူတွေ ရွံ့မုန်းလွန်းလို့ အိမ်အပြင် မထွက် ရဲတဲ့သူတစ်ဦး လည်းရှိနေတယ်။

ဒီမိုကရေစီ ဆိုတဲ့ စနစ်ကောင်းတခု ကာလတိုကလေး ရှိခဲ့တယ်။
စစ်အာဏာရှင် ဆိုတဲ့ စနစ်ဆိုးတခု ကာလရှည်စွာ ရှိနေတယ်။

တရားဖက်လို့ သစ္စာမြဲသူတွေရှိတယ်။
တရားမဖက်လို့ သစ္စာဖောက်သူတွေရှိတယ်။

အသံကျယ်တဲ့ ကုန်ဈေးနှုန်းတွေရှိတယ်။
အသံမမြည်တဲ့ အမှန်တရားတွေရှိတယ်။

ထိုင်နေရင်း ငွေသီးတဲ့ အသိုင်းအဝိုင်းတွေ လည်းရှိနေတယ်။
ဖောင်စီးရင်း ရေငတ်နေတဲ့ အသိုင်းအဝိုင်းတွေ လည်းရှိနေတယ်။

အချိန်မတန် ခူးခြွေခံလိုက်တဲ့ ပန်းကလေးတွေလည်းရှိတယ်။
အနှစ်သာရပြည့်ဝပေမယ့် လူကြိုက်နည်းတဲ့ သစ်သီးလေးတွေလည်းရှိတယ်။

စစ်ဘိနပ်သံတွေ ညံနေပေမယ့် ငါ့တို့ရဲ့ ဂီတသံကိုဘဲ ကြားနေချင်တယ်။
ယမ်းငွေ့တွေဝေနေပေမယ့် ငါတို့ရဲ့မြေသင်းနံ့လေးကိုဘဲ ရှုရှိုက်ချင်တယ်။

ငါ့စိတ်ဝိညာဉ်ဟာ ငါတို့တိုင်းပြည်လေးရဲ့
လေ ထဲမှာလည်းရှိတယ်။
ရေ ထဲမှာလည်းရှိတယ်။
မြေ ထဲမှာလည်းရှိတယ်။

အသည်းခိုက်အောင် နာကျင်စရာရှိတာတောင်
ငါ့တိုင်းပြည်လေးကို
အရိုးသားဆုံး နဲ့ အပြုံးလက်ဆောင်ပေးမယ်။ို

အဆုံးစွန်ဆုံး ပြောရရင်
ခမ်းနားတဲ့ အတ္တနဲ့ တည်ဆောက်ထားတဲ့
ငါ့ရဲ့.....နန်းတော်တမျှ စိတ်ဓါတ်တွေ
အခုတော့.......
ငါ့တို့ရဲ့ တိုင်းပြည်လေး ဆိုတဲ့
အသိစိတ်ကလေးကြောင့်
ပြိုပျက်ရတော့မလိုပါလား။ ။
္လ္လ
ဝဿန်မိုး
(၁၂.ဇွန်လ.၂၀၁၀)

(အီးမေးလ်ထဲသို့ မျှဝေလာသည့် ကဗျာတပုဒ်ဖြစ်ပါတယ်။ ကြိုက်လွန်း၍ ပြန်လည်မျှဝေလိုက်ပါတယ်။)

Thursday, June 3, 2010

ထားဝယ်အမျိုးသားနေ့ ဘန်းဒုန်ယမ်းတွင် ကျင်းပ


လေးကြိမ်မြောက် ထားဝယ်အမျိုးသားနေ့ကို ဘန်းဒုန်ယမ်းမြန်မာဒုက္ခသည်စခန်း၌ ယနေ့နံနက်တွင်ကျင်းပခဲ့သည်။

ယင်းအခမ်းအနားသို့ ထားဝယ်အမျိုးသားနှစ်ရာကျော်တက်ရောက်ခဲ့ပြီး စခန်းတွင်နေထိုင်ကြသည့် မွန်၊ ဗမာ၊ ကရင်တိုင်းရင်းသားများ တက်ရောက်ခဲ့သည်ကိုလည်း မြင်တွေ့ခဲ့ရသည်။


အခမ်းအနားဖြစ်မြောက်ရေးစီစဉ်သူ ကိုဘထူးလေးက “ဒီနှစ်မှာတော့ အရင်နှစ်ထက်ပိုထူးခြားလာတာက ပြည်ပနိုင်ငံတွေမှာလည်း ကျင်းပမယ့်သတင်း ကျနော်တို့ကြားသိခဲ့ရပါတယ်” ဟု ဆိုပါသည်။

သူ့အပြောအရ ဗမာ့တပ်မတော်တွင်ထင်ရှားသူ ထားဝယ်အမျိုးသားဗိုလ်မှူးကြီးဗထူး ကွယ်လွန်သည့်နေ့ရက်ကို ထားဝယ်အမျိုးသားနေ့အဖြစ်သတ်မှတ်ခဲ့သည်။

ဗိုလ်မှူးကြီးဗထူးသည် ဖက်ဆစ်ဂျပန်ခေတ်တွင် ငှက်ဖျားရောဂါဖြင့် မြန်မာပြည်အထက်ပိုင်း ဒေသတစ်နေရာ၌ ၁၉၄၅ ခုနှစ် ဇွန်လ ၂ ရက်နေ့တွင် ကွယ်လွန်ခဲ့သည်ဟု သိရသည်။


ယခုထားဝယ်အမျိုးသားနေ့တွင် ဗိုလ်မှူးကြီးဗထူး ရုပ်ပုံပါတီရှပ်အင်္ကျီများ ဖြတ်ဝေခဲ့သည်လည်း တွေ့ရှိရသည်။

မြန်မာစစ်အစိုးရမှ ထားဝယ်ဒေသများအတွင်း ဓါတ်ငွေ့ပိုက်လိုင်းသွယ်တန်းမှုကြောင့် ဒေသခံများ ဘန်းဒုန်းယမ်းဒုက္ခသည်စခန်းသို့ ထွက်ပြေးလာကြခြင်းဖြစ်သည်ဟု စခန်းနေထားဝယ်အမျိုးသားများက ပြောဆိုနေကြသည်။

ဘန်းဒုန်ယမ်းဒုက္ခသည်စခန်းတွင် ဒုက္ခသည်ဦးရေ လေးထောင်ကျော်ရှိရာ တတိယနိုင်ငံသို့ထွက်ခွာရန် စောင့်ဆိုင်းနေသူများဟု သိရသည်။

မူရင်းသတင်း - http://freeburma-freeburma.blogspot.com/2010/06/blog-post_4882.html

ဆက်စပ်သတင်း - http://monnews.org/bu/?p=137
Subscribe to: Posts (Atom)