သဘာဝ ပတ်ဝန်းကျင် ထိန်းသိမ်းရေး ထားဝယ်၌ ဆွေးနွေး

http://burma.irrawaddy.org/archives/23912

တနင်္သာရီတိုင်းဒေသကြီး ဖွံ့ဖြိုးတိုးတက်မှုနှင့် သဘာဝပတ်ဝန်းကျင် ထိန်းသိမ်းရေး ပူးပေါင်း ဆောင်ရွက်နိုင်မည့် သဘာဝ ပတ်ဝန်းကျင် ထိန်းသိမ်းရေး အခွင့်အလမ်း ဆိုင်ရာအလုပ်ရုံ ဆွေးနွေးပွဲ တခုကို ထားဝယ်မြို့တွင် ယနေ့ ကျင်းပကြောင်း သိရသည်။

အလုပ်ရုံဆွေးနွေးပွဲ တက်ရောက်နေသူများ

ဇီဝမျိုးစုံ မျိုးကွဲနှင့် သဘာဝထိန်းသိမ်းရေးအသင်း (BANCA) နှင့် နိုင်ငံတကာ ရေအောက် သယံဇာတ ထိန်းသိမ်းရေး (FFI) အဖွဲ့တို့ က ဦးဆောင်ကျင်းပခြင်း ဖြစ်သည်။
ထားဝယ် ဒေသတွင်းရှိ လူထုအခြေပြု လူမှုရေး အဖွဲ့အစည်းများ၊ ရပ်မိရပ်ဘများ၊ အစိုးရအဖွဲ့ ဝန်ကြီးများ၊ တာဝန်ရှိသူများ အပါအဝင် နိုင်ငံရေးပါတီ ၄ ခုက အဖွဲ့ဝင် ၁၅၀ ခန့်တက်ရောက်ခဲ့ပြီး စာတမ်း ၇ စောင်ဖတ်ကြားခြင်းနှင့် အပြန်အလှန် ဆွေးနွေးမှုများ ပြုလုပ်ခဲ့ကြောင်း BANCA (ဘန်ကာ)အဖွဲ့က ပြောပြသည်။

ထိုအလုပ်ရုံဆွေးနွေးပွဲတွင် ဘန်ကာနှင့် ဥရောပအခြေစိုက် FFI အဖွဲ့တို့ တနင်္သာရီတိုင်းအတွင်း အဏ္ဍ၀ါ ထိန်းသိမ်းရေး လုပ်ငန်းများ စတင်လုပ်ဆောင်နိုင်ရန် တိုင်းအစိုးရအဖွဲ့၊ ဒေသခံများနှင့် ညှိနှိုင်းဆွေးနွေးမှုများ ပြုလုပ်ကြောင်း ဘန်ကာအဖွဲ့ ဥက္ကဌ ဒေါက်တာ ထင်လှက ဧရာဝတီသို့ ပြောသည်။
ယနေ့ အလုပ်ရုံဆွေးနွေးပွဲ တက်ရောက်ခဲ့သည့် ထားဝယ် တက္ကသိုလ် စိတ်ပညာဌာနမှ နည်းပြတဦး ဖြစ်သူ ဆရာ ဦးဇော်သူရကလည်း “သူတို့လုပ်ငန်းတွေ မစရသေးဘူး။ စမှာကို သူတို့က သဘာဝထိန်းသိမ်းရေးနဲ့ ပတ်သက်ပြီး knowledge (ဗဟုသုတ) စပေးပါတယ်။ နောက် FFI အကြောင်း စတင် မိတ်ဆက်ရှင်းလင်းတာ။ ဒါကတော့ ထားဝယ်မှာ ပထမဆုံး ဆွေးနွေးပွဲပါပဲ။ အောက်တိုဘာ ၂၉ ရက် မြိတ်မြို့မှာ လုပ်မယ်လို့ ပြောပါတယ်” ဟု ပြောပြသည်။

သစ်တောရေးရာဌာနမှ ညွှန်ကြားရေးမှူးက သစ်တောနှင့်ပတ်သက်ပြီး ၎င်းတို့ လုပ်ဆောင်နေသည်များကို တင်ပြခြင်း၊ မွေး၊ ရေလုပ်ငန်းမှ ငါး သယံဇာတ ထိန်းသိမ်းရေးအကြောင်း၊ FFI က ဒါရိုက်တာ မစ္စတာ ဖရန့်မုန်းဘတ်က ဖွံ့ဖြိုးတိုးတက်မှုနှင့် ထိန်းသိမ်းရေးအတွက် တွဲလုပ်သွားမည့် အရာများအကြောင်း၊ ဒေါက်တာ ထင်လှက မြန်မာတနိုင်ငံလုံးတွင် ဘန်ကာအဖွဲ့မှ လုပ်ဆောင်နေသည့် အကြောင်းအရာများကို ဒေသခံများထံ တင်ပြဆွေးနွေးခဲ့ကြောင်း သိရသည်။

ဘန်ကာသည် ဇီဝမျိုးကွဲ ထိန်းသိမ်းရေး စစ်တမ်းများကို ၂၀၀၂ ခုနှစ်ကတည်းက စတင်ခဲ့ပြီး ၂၀၀၄ ခုနှစ်တွင် ဒေသတွင်း တရားဝင် အန်ဂျီအိုအဖြစ် ရပ်တည်ခဲ့သည်။ ရေအောက်မျိုးကွဲများ များပြားသည့် င၀န်မြစ် ထိန်းသိမ်းရေး၊ မုတ္တမ ပင်လယ်ကွေ့ တဝိုက် မွန်ပြည်နယ်၊ ပဲခူးတိုင်း၊ ရန်ကုန်တိုင်းတို့တွင် ရေတိမ်ဒေသ ကာကွယ်ရေးလုပ်ငန်းများ လုပ်ဆောင်ပြီး ရခိုင်ဒေသတွင် သဘာဝပတ်ဝန်းကျင် ထိန်းသိမ်းရေး ကွန်ရက်(MERN) နှင့် ပူးတွဲ လုပ်ဆောင်လျက်ရှိသည်။
အရှေ့တောင် အာရှတွင် ဒုတိယအကြီးဆုံး နိုင်ငံဖြစ်သည့် ဇီဝမျိုးကွဲစုံလင် ကြွယ်ဝသော မြန်မာပြည်တွင် ဘန်ကာ အဖွဲ့သည် FFI နှင့်အတူ ချင်းနှင့် ကချင်ပြည်နယ်တို့ရှိ လူထုအခြေပြုအဖွဲ့များအား သစ်တောနှင့်သဘာဝထိန်းသိမ်း ကာကွယ်ရေးဆိုင်ရာ စီမံခန့်ခွဲမှု အရည်အသွေးများ မြှင့်တင်ပေးသည့် လုပ်ငန်းများလည်း လုပ်ဆောင်နေသည်။

မြန်မာနိုင်ငံ တောင်ပိုင်းဒေသတွင် သဘာဝပတ်ဝန်းကျင် ထိန်းသိမ်းရေးအတွက် စုပေါင်းသစ်ပင်စိုက်ခြင်း၊ ရှားပါးမျိုးစိတ်များ ထိန်းသိမ်းခြင်း၊ တံငါရွာများသို့ ကွင်းဆင်းသွားရောက်ကာ ငါးဖမ်းနည်းပညာများ၊ တံငါရွာများရှိ အမျိုးသမီးများအတွက် တဖက်တလမ်း ဝင်ငွေရှာနိုင်သော နည်းလမ်းအကူအညီနှင့် အသေးစားချေးငွေ အထောက်အပံ့ပေးခြင်းများ လုပ်ဆောင်ရန် စီစဉ်ထားသည်ဟု FFI က ဆိုကြောင်း ဆွေးနွေးပွဲ တက်ရောက်သူများက ပြောသည်။

“FFI ရည်ရွယ်ချက်တွေကတော့ ကောင်းတယ်။ ဒါပေမယ့် ဒီမှာရှိတဲ့ တချို့ဖွံ့ဖြိုးရေးတွေက သူတို့ပြောတဲ့ စံနှုန်းနဲ့ရပါ့မလား။ ဥပမာ သူတို့ပြောတဲ့ ဂျာမနီက ကျောက်မီးသွေးစက်ရုံတွေ တအားကောင်းတယ် ပြောတယ်။ ကျနော်တို့ဆီမှာ လာလုပ်မယ့် ကျောက်မီးသွေးစက်ရုံက တရုတ်က လုပ်မှာ။ အဲဒါကို ကျနော်တို့ ဘယ်လို လက်ခံပေးမလဲ။ ကျနော်တို့ တိုးတက်မှုကို မကန့်ကွက်ဘူး။ အဲ့ဒီ နောက်မှာ ကပ်ပါလာမယ့် ညစ်ညမ်းစက်ရုံတွေ ကျနော်တို့ မလိုချင်ဘူး” ဟု ဆွေးနွေးပွဲ တက်ရောက်ခဲ့သည့် ထားဝယ် ၈၈ မျိုးဆက်ကျောင်းသားများအဖွဲ့မှ ကိုသန်းဝင်းက ဆိုသည်။
ငါးဖမ်းလုပ်ငန်းနှင့် ကမ်းပါးပြိုပျက်ခြင်း ကာကွယ်ရန် နည်းပညာများဖြင့် မည်ကဲ့သို့ ထိန်းသိမ်းရမည်တို့ကို ဒေသခံများနှင့် ဖလှယ်ရန် လာမည့် နိုဝင်ဘာ ၄ ရက်တွင် တံငါလုပ်ငန်းလုပ်ကိုင်သော စမ်းလှမ်းရွာ၊ ဆီစစ်ရွာ စတဲ့ တံငါရွာများသို့ သွားရောက်မည် ဖြစ်ကြောင်းလည်း သိရသည်။

ဘန်ကာသည် ရပ်ဆိုင်းထားရသော ကချင်ပြည်နယ်ရှိ ဧရာဝတီ မြစ်ဆုံဆည် စီမံကိန်းတွင် သဘာဝပတ်ဝန်းကျင်အပေါ် အကျိုးသက်ရောက်မှု ဆန်းစစ်ခြင်း(EIA) ကို အဓိက လုပ်ဆောင်ခဲ့သော အဖွဲ့ဖြစ်ပြီး စာမျက်နှာ ၉၀၀ ရှိ အစီရင်ခံစာ တစောင်လည်း အင်တာနက် စာမျက်နှာများတွင် ပျံ့နှံ့ထွက်ပေါ်ခဲ့သည်။ ထိုအစီရင်ခံစာတွင် မြစ်ဆုံဆည် စီမံကိန်းကြောင့် သဘာဝပတ်ဝန်းကျင်နှင့် လူထုအပေါ် ဆိုးကျိုးသက်ရောက်မှု ရှိနိုင်သည်ဟု ပြောဆိုထားသော်လည်း စီမံကိန်းအား ဆက်လက်လုပ်ဆောင်ခဲ့ခြင်း ဖြစ်သည်။

ထားဝယ်ရေနက်ဆိပ်ကမ်း အထူးစီးပွားရေးဇုန် တည်ဆောက်ရေးတွင်လည်း သဘာဝပတ်ဝန်းကျင်အပေါ် အကျိုးသက်ရောက်မှုဆန်းစစ်ခြင်း (EIA) နှင့် လူမှုဘဝအပေါ် အကျိုးသက်ရောက်မှု ဆန်းစစ်ခြင်းတို့ကို ယခုနှစ် မကုန်ခင် လုပ်ဆောင်သွားရန် ရှိသည်ဟု သတင်းများ ထွက်ပေါ်နေသော်လည်း မည်သည့်အဖွဲ့က တာဝန်ယူ လုပ်ဆောင်နေကြောင်း မသိရပေ။

ဒေါက်တာ ထင်လှကမူ ယခုအချိန်ထိတော့ သက်ဆိုင်ရာ ကုမ္ပဏီဘက်က ကမ်းလှမ်းလာမှု မရှိသေးသည့်အတွက် EIA/SIA ဆန်း စစ်မှုများကို ၎င်းတို့အဖွဲ့မှ လုပ်ဆောင်မှာ မဟုတ်ကြောင်း ဧရာဝတီသို့ ပြောသည်။

BANCA အဖွဲ့ ဥက္ကဌ ဒေါက်တာ ထင်လှ

“ကျနော်တို့က အဏ္ဏ၀ါ ထိန်းသိမ်းရေးတွေ လုပ်ဆောင်နိုင်ဖို့ မြန်မာနိုင်ငံ တောင်ဘက်ပိုင်း ကို ခြေလှမ်းစလာတာပါ။ ထားဝယ်ရေနက် စီမံကိန်းနဲ့ ဆက်စပ်မှု မရှိပါဘူး” ဟု ဒေါက်တာ ထင်လှက ဆိုသည်။

ထိုစီမံကိန်းနှင့် ပတ်သက်ပြီး ပွင့်လင်းမြင်သာမှု မရှိသည့်အတွက် ဒေသခံများနှင့် အစိုးရ၊ ကုမ္ပဏီတို့အကြား နားလည်မှု လွဲမှားနေရသည်ဟု ယူဆကြောင်းနှင့် ဖွံ့ဖြိုးတိုးတက်မှုလုပ်ငန်းများ လိုအပ်သကဲ့သို့ သဘာဝပတ်ဝန်းကျင် ထိန်းသိမ်းမှုများလည်း ပိုမို လုပ်ဆောင်ရန်လိုကြောင်း သူက ဆိုသည်။
စီမံကိန်းဧရိယာ စတုရန်းမိုင် ၂၅၀ ကျော်ဖြင့် အကောင်အထည်ဖော်ဆောက်လုပ်မည့် ထားဝယ်ရေနက်ဆိပ်ကမ်း စီမံကိန်းအတွက် လိုအပ်သော အခြေခံအဆောက်အအုံများကို ၂၀၁၅ ခုနှစ်တွင် အပြီးဆောက်လုပ်ရန် အီတာလျံ-ထိုင်း ဖွံ့ဖြိုးတိုးတက်ရေး ကုမ္ပဏီ (ITD) က ခန့်မှန်းထားသည်။ ၂၀၁၀ ပြည့်နှစ်က သဘောတူခဲ့သည့် ထိုစီမံကိန်း အစအဖြစ် မြန်မာနှင့် ထိုင်းနိုင်ငံကို အလွယ်တကူ ဆက်သွယ်နိုင်မည့် ထားဝယ်-ကန်ချနဘူရီ ကားလမ်းကို ဖောက်လုပ်နေပြီး ထိုကားလမ်းဖောက်ခြင်းနှင့် စီမံကိန်းကွပ်ကဲရေးရုံးအတွက် အဆောက်အအုံများ ဆောက်လုပ်ခြင်းတို့တွင် ဒေသခံရွာသားများ၏ ဥယျာဉ်ခြံမြေများ ဆုံးရှုံးခဲ့ကြောင်း ဒေသခံများက ပြောဆိုသည်။

လမ်းဖောက်လုပ်သည့်အတွက် သီဟိုနှင့် ရာဘာ အဓိက စိုက်ပျိုးသော ဒေသခံများ၏ ခြံမြေများ ဖျက်ဆီးခံရသကဲ့သို့ ထိုဥယျာဉ်ခြံများ၏ ကာလပေါက်ဈေးထက် လျော်ကြေး လျှော့ပေးသည့်အတွက် အများစုက လက်မခံကြောင်းလည်း ရေဖြူမြို့နယ် မင်းဒပ်ရွာကျောင်း ဆရာတော် ဦးဥတ္တမက ဧရာဝတီသို့ ပြောသည်။

မင်းဒပ်ရွာအပါအ၀င် ရေဖြူမြို့နယ်ရှိ ရွာ ၉ ရွာ၊ ရေနက်ကွင်း ဧရိယာ နဘုလယ်ဒေသရှိ ရွာ ၅ ရွာတို့အား ပြောင်းရွှေ့ နေရာချရန် ရွာသစ်များ ဆောက်လုပ်လျက်ရှိကြောင်းလည်း သိရသည်။
ယခုနှစ် မကုန်ခင်တွင် ရေနက်ဆိပ်ကမ်း စီမံကိန်းဧရိယာတွင်းရှိ ရွာတချို့ စတင်ပြောင်းရွှေ့မည်ဟု သတင်းများ ထွက်ပေါ်နေပြီး ရေဖြူမြို့အပိုင် နဘုလယ်ဒေသရှိ မူးဒူးရွာမှာ ပထမဆုံး ပြောင်းရွှေ့ခံရမည်ဟု ဒေသခံများက ပြောဆိုနေကြသော်လည်း အာဏာပိုင်များဘက်က တရားဝင် ထုတ်ပြန်ခြင်း မရှိသေးချေ။

မူးဒူးရွာမှ ၂ မိုင်ကျော်အကွာရှိ ပြောင်းရွှေ့နေရာချမည့် ရွာသစ်သည် လယ်မြေဖြစ်သည့်အတွက် သောက်သုံးရေရရှိမှုနှင့် ဥယျာဉ် စိုက်ပျိုးမြေ အခက်အခဲရှိနိုင်ကြောင်း ထားဝယ်ဒေသဖွံ့ဖြိုးရေးအသင်း အဖွဲ့ဝင်များက ပြောဆိုကြသည်။